The Truth: Ang mga Santo ng Katoliko

Personal na Karanasan

Pagkatapos ng Pasko at Bagong Taon, inaabangan namin ang araw ng Pista ng Itim na Nazareno.

Deboto kami ng Itim na Nazareno pero hindi kami tulad ng iba na sumusunod pa sa prosisyon, nakikipagbalyahan, nakikipagsipaan at kung anu-ano pa para lang makahalik at makapagpunas ng panyo. Mahirap na dahil mahirap ang buhay ngayon, mahirap magpagamot.

Ang ginagawa namin, sa gabi kami pumupunta, kung kailan malapit nang maibalik ang Poon sa simbahan ng Quiapo. Magsisimba kami, magdarasal at hihintaying makapasok ang Poon.

Ganito taun-taon ang ginagawa namin. Kasi hindi lang naman sa araw na iyon kami maaaring makahalik sa Poon, kahit araw-araw ay pwede. Hindi kailangang makipagtulakan at makipagbalyahan.

Ang ISYU tungkol sa mga SANTO

Isa lang ang Itim na Poong Nazareno sa aming hinahalikan o pinupunasan ng panyo. Maging ang ibang imaheng santo ni Jesus o ang Sto. Niño ay ginagawan namin nang ganoon. Siyempre, KATOLIKO kami eh.

Pero, MAY ILANG RELIHIYON, ilang TAO o grupo ng mga tao ang KUMUKWESTIYON sa ginagawang ito ng mga Katoliko. Ayon daw sa Bibliya at maging sa Sampung Utos ng Diyos, IISA lamang ang DIYOS kung kaya’t HINDI maaaring SANTUHIN ang IBA; HINDI dapat GUMAWA ng DIYOS-DIYOSAN.

TAMA naman iyon! Ngunit HIGIT sa HALIK at PAGPUPUNAS ng PANYO sa mga SANTO ang KAHULUGAN ng ginagawang iyon ng mga Katoliko.

Paliwanag at Kasagutan sa mga Katanungan

Ang SANTOng kanilang sinasabi ay isa lamang larawan o imaheng maituturing. Hindi ba’t noong UNANG PANAHON ay WALA pang KAMERA o picture taking? WALA pa rin naman ang PAGPIPINTA o PAGGUHIT. Ngunit mayroon nang PAGLILILOK.

1. Dahil paglililok pa lamang ang mayroon noon at NAIS ng mga TAO noon na MAGKAROON ng imahe ang Panginoon upang MAGSILBING GABAY ng mga SUSUNOD na HENERASYON, naglilok sila ng Santo na kawangis at NAAAYON sa DESKRIPSYON ng BIBLIYA.
2. Narinig nyo na ba yung sinasabing “Kapag ba nagsasalita mag-isa, baliw na agad? Di ba pwedeng nagdarasal lang muna?”? KUNG wala ang mga santo, saan o paano sa palagay ninyo kayo magdarasal? Bubulong sa hangin?
3. At dahil nagsisilbi ngang IMAHE ang SANTO, ipinagpapalagay mo na rin na KAHARAP mo lang ang KAUSAP mo – ang PANGINOON. Hindi ba’t MAS MAGANDA na may nakikita kang PISIKAL NA ANYO sa harapan mo na para ba talagang may kinakausap ka kaysa wala?
4. Sa paglipas ng panahon, sa pagdating ng mga papel at lapis, gayundin ang kamera, naDAGDAGan na ang mga Santong ito; may mga larawan nang iniimprenta pero hindi isinasantabi ang mga santong nililok bagkus ay nadaragdagan pa – ito ay dahil sa nakagawian na ng lahat at sa mga kadahilanang aking nabanggit sa itaas.

Maibahagi ko lang na may napanood akong isang programa sa telebisyon, sabi ng isang na-interview “Kung wala ang kahoy na ‘yan, hindi mo malalamang may Diyos.”

Pananaw

Tayo ay hindi iisa ang RELIHIYON gayong tayo ay NANINIWALA na MAY DIYOS. Tayo ay HINDI DAPAT BUMABATIKOS, KUMEKWESTIYON, AT NANLILIBAK sa kung papaanong paraan isinasabuhay ang pananampalataya at debosyon ng isang indibidwal bagkus ay NARARAPAT na MATUTO tayong LAHAT na RUMESPETO at IGALANG ang KAUGALIAN at KASANAYAN ng bawat kasapi ng isang RELIHIYON.

Sa huli, ang PANINIWALA at PANANAMPALATAYA sa DAKILANG LUMIKHA ang HIGIT na MAHALAGA; at ang PAGTALIMA sa Kanyang kagustuhan. Susunod ang pakikipagkapwa-tao at paggawa nang mabuti habang tayo ay nabubuhay sa mundong ito.

(First published at pontificatephils on January 14, 2012 at 12:05 AM)