Tiktik: The Aswang Chronicles (short analysis)

Napanood ko na ang full trailer ng bagong pelikula ni Dingdong Dantes na sya ring producer nito.

Ang masasabi ko lang ay maganda talaga ang effects nito, as in special talaga walang duda. Tungkol naman sa kwento, parang ordinaryo lang, pero tingnan din natin kung anong twists o kung anupaman ang kanilang gagawin para maging napakaganda ang kalalabasan.

Anyway, panoorin na lang natin na mag-uumpisa sa October 17, 2012.

Protégé Ruru Madrid’s Break

Nasusubaybayan ko ang episodes ng Protégé at Inside Protégé. Una pa lang na nakita ko si Ruru Madrid, mula sa Mindanao, alam ko na siya ang magiging pambato ko sa competition na iyon bukod sa iba pang ‘kakumpetensya’ nya.

Isa lang ang mabigat kong dahilan, nakikita ko sa kanya ang sarili ko – yung tipong patpatin pero may ibubuga pagdating sa talento lalo na sa pag-arte – yun lang hindi pa ako kasing-palad nya na marami na ang nakatuklas sa galing nyang ito.

Hindi na ako nagtataka kung bakit tutok na tutok sa kanya ang kanyang mentor na si Phillip Salvador –alam nya kasing may future ang batang protégé.

Anu’t anuman ang kalabasan ng kumpetisyon, suportado ko ang batang ito. Unsolicited advice lang, keep your feet on the ground.

Philippine Police: Re-establishing Integrity

Nakatutuwa ang mga balita tungkol sa ‘paglilinis’ sa hanay ng pulisya. Matatanggal ang mga tiwali, pero sana naman maging OBJECTIVE o PATAS ang gagawing ‘paglilinis’. Baka naman mamaya, maling tao na pala ang natatanggal at na-set-up lang pala.

Opinyon pa rin, matapang ang bago nilang pinuno ah – napakarami nyang binabangga at babanggain – gayunpaman ang aking mensahe ay good luck. Kaisa ako sa kampanya para linisin ang kanilang hanay at maitatag muli ang kanilang integridad.

New YouTube entries

In observance of the 1st Mandaluyong High School Foundation Day celebration, students from different year levels prepared for their performances.

Here is a video wherein selected 4th year students were chosen to perform ballroom dancing.

------------------------------------------------------------------------------------------------

A very cute young boy showcases his talent, assuming he's one of the contestants in Eat Bulaga's (Philippine's Longest Running Noontime Show) Mr. Pogi 2012

.

Comment on Tito Sotto

Mainit ang pangalan ni Tito Sen ngayon dahil sa plagiarism issue. Marami nang komento ang naglabasan ngunit hindi ito ang tatalakayin ko sa ngayon.

Sa totoo lang dismayado ako sa kanya sa pagboto nya against Former CJ Renato Corona noong nakaraang Impeachment Trial – pumabor sya sa kagustuhan ng isang ‘malaking tao’. Napapaisip tuloy ako sa ngayon, bakit nagigisa si Tito Sen ngayon at tila naiipit/nagigipit? Hindi kaya dahil kumukontra na sya ngayon sa isang ‘malaking tao’? Kasi nama’y pabor ang ‘taong’ ito sa isang pinagdedebatehang issue at sya nama’y hindi.

Sayang talaga sya. Isa pa naman ako sa bumoto sa kanya pero hindi ko sya binoto dahil sa siya si TITO SOTTO. Binoto ko sya dahil sa kapatid nyang si Vic. Aminin na nating lahat, hindi sya binoboto ng tao dahil sa s’ya ay s’ya (siguro yung mga ngayon-ngayon na lang kasi nakilala na sya bilang senador at tagapaglingkod noon sa, kundi ako nagkakamali, Quezon City).

Masakit mang tanggapin ibinoboto lang sya ng tao dahil sa kapatid nyang si Vic.

Sa isyung dapat ay umalis na sya sa Philippine Longest Running Noontime Show na Eat… Bulaga!, dapat matagal na nyang ginawa iyon, bago pa dumating ang isyung plagiarism. Hindi rason na nakatutulong sya sa tao, sa halip, dahilan ito lalo upang lisanin nya ang EB.

Bakit ka nyo?

MTRCB’s RATINGS

Hangang-hanga naman ako sa bagong administrasyon ng Movie and Television Review and Classification Board (MTRCB). Matagal na buhat nang maisakatuparan nila ang tamang pag-kaklase ng mga panoorin – para nga naman mapatnubayan nang husto ang kabataan sa kanilang panonood.

Kapag naililipat ko sa ABS-CBN ang channel, nagugulat ako sa dami ng palabas nila na nai-klase sa rating na SPG o Strict Parental Guidance, pero kapag napapanood ko na ang programa, nasasabi kong tama naman pala ang rating nun.

Pero, takang-taka talaga ako sa mga palabas ng GMA7. Kung bakit naman ang karamihan sa kanilang palabas ay puro nasa PG o Parental Guidance lamang. Kung tutuusin, hindi lahat ng palabas ng Siyete ay angkop na mai-klase sa PG. Narito ang ilang halimbawa ng kanilang palabas:

Today’s Teleseryes: An Analysis

Napakahilig talaga ng mga Pinoy na manood. Nalilibang ang lahat sa mga panooring tulad ng teleserye; laging sinusubaybayan ang bawat kilos ng mga artistang gumaganap sa mga character sa story. Siguradong nagagalak ang puso ng manonood kapag nakababawi ang bidang matagal nang naapi. Sobra naman ang inis ng manonood kapag sobra na ang kasalbahihan ng nasa palabas.

Sa mga teleserye kong napanood mula pa noong bata ako hanggang sa ngayong malaki na ako (syempre sa aking pagkakatanda) ay kakaunti lang ang talagang tumatatak sa akin na maganda ang pagkakagawa. Tulad ng mga sumusunod (in no particular order):

1. Kay Tagal Kang Hinintay – pinagbidahan ni Ms. Lorna Tolentino
2. It Might Be You – pinagtambalan nina Bea Alonzo at John Lloyd Cruz
3. Amaya – si Marian Rivera ang bida
4. Budoy – bida si Gerald Anderson
5. Munting Heredera – tatlong batang babae ang nagbida rito
6. 100 Days to Heaven – punum-puno ng moral values na pinagbidahan nila Ms. Connie Reyes, Xyriel Manabat, at Ms. Jodie Sta. Maria
7. One True Love – kasalukuyang pinalalabas sa telebisyon na pinagtatambalan nina Alden Richards at Louise delos Reyes

Problems observed

1. Bida-Kontabida Api System – this is the most common scenario in every teleserye. Pahihirapan muna nang todo-todo ng kontrabida ang bida, as in pati yung mga manonood ay sobrang naiinis na, hindi lang sa kontrabida kundi pati na rin sa bida dahil sobrang api-apihan na parang hindi s’ya marunong lumaban, maaawa ka na nga sana kaso sa sobrang awa, napapalitan na ito ng pagkayamot dahil walang magawa ang bida

2. Sexual Content – gustung-gusto raw ito ng mga Pinoy pero dapat kasi laging isinasaalang-alang ang mga batang manonood, baka mamaya gayahin nila yung mga ganun (kaya siguro maraming naitatalang kaso ng mga batang ‘nagyayarian’ kapapanood ng mga ganung klaseng teleserye).

Tingnan mo mga palabas ng Korea na ipinalalabas dito sa ating bansa, wala namang masyadong ganun, kaya gandang-ganda ang marami sa ating mga kababayan ng kanilang mga kwento. Bakit sa atin? Hindi ba gaganda ang kwento kung walang ganun? Matututunan at matututunan din ng mga bata yang halikan na yan – pero sa TAKDANG PANAHON, hindi na nila kailangan makita sa TV yan; siguradong gagawin din nila yan paglaki nila kasi kusa na ang katawan nila ang mag-uudyok sa kanila nyan PAGLAKI NILA (paulit-ulit)

The Truth: Ang mga Santo ng Katoliko

Personal na Karanasan

Pagkatapos ng Pasko at Bagong Taon, inaabangan namin ang araw ng Pista ng Itim na Nazareno.

Deboto kami ng Itim na Nazareno pero hindi kami tulad ng iba na sumusunod pa sa prosisyon, nakikipagbalyahan, nakikipagsipaan at kung anu-ano pa para lang makahalik at makapagpunas ng panyo. Mahirap na dahil mahirap ang buhay ngayon, mahirap magpagamot.

Ang ginagawa namin, sa gabi kami pumupunta, kung kailan malapit nang maibalik ang Poon sa simbahan ng Quiapo. Magsisimba kami, magdarasal at hihintaying makapasok ang Poon.

Ganito taun-taon ang ginagawa namin. Kasi hindi lang naman sa araw na iyon kami maaaring makahalik sa Poon, kahit araw-araw ay pwede. Hindi kailangang makipagtulakan at makipagbalyahan.

Ang ISYU tungkol sa mga SANTO

Isa lang ang Itim na Poong Nazareno sa aming hinahalikan o pinupunasan ng panyo. Maging ang ibang imaheng santo ni Jesus o ang Sto. Niño ay ginagawan namin nang ganoon. Siyempre, KATOLIKO kami eh.

Pero, MAY ILANG RELIHIYON, ilang TAO o grupo ng mga tao ang KUMUKWESTIYON sa ginagawang ito ng mga Katoliko. Ayon daw sa Bibliya at maging sa Sampung Utos ng Diyos, IISA lamang ang DIYOS kung kaya’t HINDI maaaring SANTUHIN ang IBA; HINDI dapat GUMAWA ng DIYOS-DIYOSAN.

The Ugly Truth: Bakit “No.1” ang GMA7?

Kamakailan ay naglabas ng pahayag ang GMA-7 na nagpapasalamat sa mga taong tumatangkilik sa kanilang istasyon dahilan upang sila’y maging “Double No. 1” (GMA-7 at GMANews TV-11).

Naturalmente, may mga taong nagtataas ng kilay at hindi sumasang-ayon dito. Bakit ‘ka mo? Kasi karamihan sa mga nanonood sa Metro Manila (MM) ay mga programa ng ABS-CBN ang kanilang tinatangkilik.

ABS-CBN2 vs. TV5 vs. GMA-7

Kung susuriin mong mabuti ang sinasabi ng Siyete, ito ay pumapatungkol sa PANGKALAHATANG Audience Share (AS) o yung mga manonood. Tama naman sila roon. Kung ikaw ay kumukontra sa sinabi ko, narito ang ilang katanungang dapat mong sagutin sa iyong sarili:

1. Maraming nanonood ng Dos sa MM, eh paano ang ibang panig ng bansa? Ang ilang bahagi ng Luzon? Vizayas? Mindanao?
2. Kahit saan ka magpunta, malinaw ang signal ng Siyete kaysa Dos at Singko. Hindi ba? Bakit ganoon?
3. Dahil nga malakas ang signal ng Siyete, sa mga walang Cable, alin ang mas panonoorin na lamang nilang mga programa?
4. Sa panahon ngayon, humahabol ang TV5. Ano ang ibig sabihin noon?

Narito naman ang hindi gaanong detalyado ngunit pinag-isang sagot para sa mga katanungan.